ചീസ് നിറച്ച ഡോനട്ട് സാന്‍ഡ്‌വിച്ച്, രണ്ട് വിഭവങ്ങളെയും നശിപ്പിക്കരുതേയെന്ന് സോഷ്യല്‍ മീഡിയ

ഗ്രിൽഡ് ചീസ് സാൻഡ്വിച്ച്, എപ്പോൾ വേണമെങ്കിലും വിശപ്പുമാറ്റാൻ ആർക്കും കഴിക്കാവുന്ന ഭക്ഷണം. അതും പെട്ടെന്ന് കഴിക്കണമെങ്കിൽ തയ്യാറാക്കാവുന്നത്. അഞ്ച് മിനിറ്റു പോലും വേണ്ട ഇത് ഉണ്ടാക്കാനും കഴിക്കാനും. ബ്രെഡിന് നടുവിൽ ചീസ് വയ്ക്കുക. ബ്രെഡ് ഗ്രിൽ ചെയ്യാം, അല്ലെങ്കിൽ പാനിൽ വച്ച് പൊരിച്ചെടുക്കാം. എന്നാൽ ഒരു ചീസ് സാൻഡ്വിച്ചാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ബ്രെഡിന് പകരം ഗ്ലേസ്ഡ് ഡോനട്ടാണ് ഡിസ്നി വേൾഡിലെ ഒരു ഡോനട്ട് ഷോപ്പിൽ ചീസ് സാൻഡ്വിച്ചിനായി ഉപയോഗിച്ചിരിക്കുന്നത്. എവർഗ്ലേസ്ഡ് ഡോനട്ട്സ് ആൻഡ് കോൾഡ് ബ്രൂ എന്ന ഷോപ്പാണ് ചീസ് നിറച്ച ഡോനട്ട് പുറത്തിറക്കിയത്. ഈ ചെറിയ കഫേ അവരുടെ സ്പെഷ്യൽ സാൻഡ്വിച്ച് ചീസിന്റെ വീഡിയോയും പുറത്തിറക്കിയിട്ടുണ്ട്. മുറിക്കുമ്പോൾ ചീസ് ഊറിവരുന്ന വീഡിയോയാണ് ഇവർ പങ്കുവച്ചത്. മനസ്സു നിറക്കുന്ന രുചികരമായ ഗ്ലേസ്ഡ് ഡോനട്ട്സ് എന്നാണ് ക്യാപ്ഷൻ. Thought Mom made you a pretty good grilled cheese sammie growing up? Well, you aint seen nothing yet! 🧀🧀 Oodles of gooey cheese are griddled on a glazed donut for maximum mind-blowing deliciousness! 🤯#NationalCheeseLoversDay 🎥 @DisneyFoodBlog#Everglazed@DisneySprings pic.twitter.com/fCrG1tW1aP — Everglazed Donuts & Cold Brew (@everglazed) January 20, 2021 എന്നാൽ ചീസ് നിറച്ച ഈ ഡോനട്ട് സാൻഡ്വിച്ചിനെതിരെ തിരിഞ്ഞിരിക്കുകയാണ് സാൻഡ്വിച്ച് പ്രേമികളും ഡോനട്ട് ആരാധകരും. രണ്ട് രുചികരമായ വിഭവങ്ങളെ നിങ്ങൾ നശിപ്പിച്ചു എന്നാണ് ഒരാളുടെ കമന്റ്. എത്ര മോശം ഭക്ഷണവും കഴിക്കുന്ന എനിക്കുപോലും ഇത് താങ്ങാനാവുന്നില്ല എന്നാണ് മറ്റൊരാളുടെ മറുപടി. വെറുതേ തരാമെന്നു പറഞ്ഞാലും വേണ്ട എന്നാണ് വേറെ ചിലരുടെ കമന്റുകൾ. Content Highlights:Grilled Cheese Sandwich Made With Doughnuts At Disney World