അധികം മിനക്കെടാതെ കുറഞ്ഞ ചേരുവകൾ കൊണ്ട് ഒരു ലഞ്ച് തയ്യാറാക്കിയാലോ? ഗാർലിക് റൈസ് ഉണ്ടാക്കുന്ന വിധമാണ് താഴെ നൽകിയിരിക്കുന്നത്. ചേരുവകൾ വേവിച്ച അരി - 2 കപ്പ് വെളുത്തുള്ളി ചതച്ചത് - 2 ടീസ്പൂൺ പച്ചമുളക് - 2 കാഷ്യൂനട്ട് - 2 ആൽമണ്ട് - 1 ടേബിൾ സ്പൂൺ മല്ലിയില - 1 ടീസ്പൂൺ നെയ്യ് - 2 ടേബിൾ സ്പൂൺ ഉപ്പ് - ആവശ്യത്തിന് കുരുമുളകുപൊടി - കാൽ ടീസ്പൂൺ തയ്യാറാക്കുന്നവിധം പാനിൽ നെയ്യ് ചൂടാക്കി വെളുത്തുള്ളിയും പച്ചമുളകും ചേർക്കുക. വെളുത്തുള്ളി വഴന്നുവരുമ്പോൾ കാഷ്യൂനട്സും ആൽമണ്ടും ചേർത്ത് വഴറ്റുക. ഇതിലേക്ക് വേവിച്ച ചോറ് ചേർത്ത്, ഉപ്പും കുരുമുളകുപൊടിയും ഇട്ട് നന്നായി വഴറ്റുക. മല്ലിയില കൊണ്ട് അലങ്കരിച്ച് വാങ്ങിവെക്കാം. Content Highlights:garlic rice recipe
↧