സൂപ്പര്‍ ടേസ്റ്റി ഗ്രീന്‍ ചില്ലി ഫിഷ് ടിക്ക

January 30, 2020, 10:28 pm

≫ Next: ചൂടിനെ ഓടിക്കാന്‍ ക്രീമി പൈനാപ്പിള്‍ കോക്കനട്ട് കൂളര്‍

≪ Previous: ഉണര്‍വിനും ഊര്‍ജത്തിനും ഒരു ഇളനീര്‍ കുടിച്ചാലോ ?

$

0

0

നിരവധി പോഷകങ്ങൾ അടങ്ങിയതാണ് മീൻ. അവയൊന്നും നഷ്ടപ്പെടാതെ ഫിഷ് ഗ്രിൽ ചെയ്തെടുത്താലോ?. ചേരുവകൾ ബോൺലെസ് ഫിഷ്- എട്ട് കഷണം മല്ലിയില നുറുക്കിയത്- ഒരു കപ്പ് പുതിനയില നുറുക്കിയത്- മുക്കാൽ കപ്പ് ഇഞ്ചി-വെളുത്തുള്ളി പേസ്റ്റ്- ഒരു ടേബിൾസ്പൂൺ സവാള നാലായി മുറിച്ചത്- ഒന്ന് കറിവേപ്പില- നാല് തണ്ട് ഉലുവയില- ഒരു ടേബിൾസ്പൂൺ കട്ടിത്തൈര്- ഒരു ടേബിൾസ്പൂൺ ജീരകപ്പൊടി- ഒരു ടീസ്പൂൺ ഉപ്പ്- പാകത്തിന് തയ്യാറാക്കുന്ന വിധം വൃത്തിയാക്കിയ മീൻ ഇഞ്ചി-വെളുത്തുള്ളി പേസ്റ്റ്, കുരുമുളക് പൊടി, ഉപ്പ് എന്നിവയിലിട്ട് നന്നായി ഇളക്കി ഇരുപത് മിനിറ്റ് വെക്കുക. ഇതിലേക്ക് മല്ലിയില, പച്ചമുളക്, സവാള, ഉലുവയില, ജീരകപ്പൊടി എന്നിവയും ചേർക്കുക. ഓരോ മീനും കട്ടിത്തൈരിൽ മുക്കിയെടുക്കുക. ഒരു ഗ്രിൽ തവ ചൂടാക്കി അതിൽ ഈ മീൻ കഷ്ണങ്ങൾ വേവിച്ച് എടുക്കാം. കൂടുതൽ പാചകക്കുറിപ്പുകൾ ഗൃഹലക്ഷമിയിൽ വായിക്കാം Content Highlights: green chilly fish tikka recipe, food, north indian recipe

---

ചൂടിനെ ഓടിക്കാന്‍ ക്രീമി പൈനാപ്പിള്‍ കോക്കനട്ട് കൂളര്‍

January 31, 2020, 9:50 am

≫ Next: എല്ലും കപ്പയും കൂടെ ചൂടോടെ കട്ടന്‍കാപ്പിയും

≪ Previous: സൂപ്പര്‍ ടേസ്റ്റി ഗ്രീന്‍ ചില്ലി ഫിഷ് ടിക്ക

$

0

0

പൈനാപ്പിളും തേങ്ങാപ്പാലും ക്രീമും ചേർന്നുള്ള ഈ സൂപ്പർ കൂളർ കുടിച്ചാൽ ചൂടൊക്കെ പറപറക്കും. ചേരുവകൾ പൈനാപ്പിൾ നുറുക്കിയത്- രണ്ട് കപ്പ് ഐസ് ക്യൂബ്സ്- ആറെണ്ണം തേങ്ങാപ്പാൽ- മുക്കാൽ കപ്പ് ഹെവി ക്രീം- രണ്ട് സ്പൂൺ പഞ്ചസാര- മൂന്ന് കപ്പ് പൈനാപ്പിൾ കഷണങ്ങൾ- അലങ്കരിക്കാൻ ആവശ്യത്തിന് തയ്യാറാക്കുന്ന വിധം പൈനാപ്പിൾ നുറുക്കിയത് ഐസ് ക്യൂബ്സ് ചേർത്ത് മിക്സിയിലടിക്കുക. അതിലേക്ക് പഞ്ചസാരയും തേങ്ങാപ്പാലും ക്രീമും ചേർത്ത് വീണ്ടും ചെറുതായി അടിക്കണം. ഗ്ലാസിലൊഴിച്ച് പൈനാപ്പിൾ കഷണങ്ങൾ വെച്ച് അലങ്കരിക്കാം. കൂടുതൽ പാചകക്കുറിപ്പുകൾക്ക് ഗൃഹലക്ഷമി വായിക്കൂ Content Highlights:creamy pineapple coconut cooler recipe, food

എല്ലും കപ്പയും കൂടെ ചൂടോടെ കട്ടന്‍കാപ്പിയും

January 31, 2020, 9:50 am

≫ Next: ചായക്കൊപ്പം ബനാന വാള്‍നട്ട് കേക്ക്‌

≪ Previous: ചൂടിനെ ഓടിക്കാന്‍ ക്രീമി പൈനാപ്പിള്‍ കോക്കനട്ട് കൂളര്‍

$

0

0

എല്ലും കപ്പയും ഒരു പരമ്പരാഗത വിഭവമാണ്. നല്ല ചൂടൻ കപ്പയും എരിവൻ ബീഫ് എല്ലോട് കൂടിയതും ഒന്നിച്ച് ചേർത്ത് വേവിച്ചാൽ എല്ലും കപ്പയുമായി. വേണമെങ്കിൽ കൂടെ ചൂടോടെ കട്ടൻ കാപ്പിയും ചേരുവകൾ കപ്പ: മുക്കാൽ കിലോ എല്ലോടുകൂടിയ ബീഫ്: മുക്കാൽ കിലോ ചെറിയുള്ളി അരിഞ്ഞത്: ഒരുകപ്പ് വെളുത്തുള്ളി അരിഞ്ഞത്: മൂന്ന് ടേബിൾ സ്പൂൺ ഇഞ്ചി അരിഞ്ഞത്:രണ്ട് ടേ.സ്പൂൺ കറിവേപ്പില: നാല് തണ്ട് (കൈകൊണ്ട് ഞെരടുക) മുളകുപൊടി: ഒന്നര ടേ.സ്പൂൺ മല്ലിപ്പൊടി: രണ്ടേകാൽ ടേ.സ്പൂൺ ഗരംമസാലപ്പൊടി: ഒന്നര ടേ.സ്പൂൺ മഞ്ഞൾപൊടി: അര സ്പൂൺ വിനാഗിരി: രണ്ട് ടേ.സ്പൂൺ കുരുമുളകുപൊടി: ഒരു സ്പൂൺ തയ്യാറാക്കുന്ന വിധം ചെറിയുള്ളി, വെളുത്തുള്ളി, ഇഞ്ചി, കറിവേപ്പില, മുളകുപൊടി, മല്ലിപ്പൊടി, ഗരംമസാലപ്പൊടി, മഞ്ഞൾപൊടി, വിനാഗിരി, കുരുമുളകുപൊടി, ഉപ്പ് എന്നിവ ചേർത്ത് ബീഫ് വേവിച്ചെടുക്കുക. കപ്പ വേവിച്ച് വയ്ക്കുക. കപ്പയ്ക്ക് അരപ്പിന് തേങ്ങാപ്പീര: അരക്കപ്പ് (ഒരു സ്പൂൺ എണ്ണയിൽ വറുത്ത്, തണുക്കുമ്പോൾ അരച്ചെടുക്കുക) തേങ്ങാപ്പീര: മുക്കാൽ കപ്പ് വെളുത്തുള്ളി: അഞ്ചല്ലി ചെറിയുള്ളി: രണ്ട് ചുള ജീരകം: അര സ്പൂൺ കറിവേപ്പില: രണ്ട് തണ്ട് മഞ്ഞൾപൊടി: കാൽ സ്പൂൺ കാന്താരിമുളക്: രണ്ട് സ്പൂൺ ഉപ്പ്: ആവശ്യത്തിന് തയ്യാറാക്കുന്ന വിധം തേങ്ങാപ്പീരയിൽ വെളുത്തുള്ളി, ചെറിയുള്ളി, ജീരകം, കറിവേപ്പില, മഞ്ഞൾപൊടി, കാന്താരിമുളക് എന്നിവ ചേർത്ത് കല്ലിൽ ചതച്ചെടുക്കുക. വലിയ പാത്രത്തിൽ കപ്പയും തേങ്ങ വറുത്തരച്ചതും തേങ്ങ ചതച്ചതും വെള്ളവും ഉപ്പും ചേർത്ത് ചെറുതീയിൽ ആവി വരുമ്പോൾ ബീഫും ചേർത്തിളക്കിയെടുക്കുക. എണ്ണയിൽ കടുക്, ഉള്ളി, കറിവേപ്പില, ഉണക്കമുളക് എന്നിവ മൂപ്പിച്ച് കപ്പയിൽ ചേർത്തിളക്കി ചൂടോടെ വിളമ്പാം. കൂടുതൽ പാചകക്കുറിപ്പുകൾ അറിയാൻ ഗൃഹലക്ഷ്മി വാങ്ങാം Content Highlight: Tapioca with beef recipe

ചായക്കൊപ്പം ബനാന വാള്‍നട്ട് കേക്ക്‌

January 31, 2020, 9:50 am

≫ Next: അമിതവണ്ണം കുറയ്ക്കാന്‍ നെല്ലിക്ക, വെറും വയറ്റില്‍ കഴിക്കല്ലേ

≪ Previous: എല്ലും കപ്പയും കൂടെ ചൂടോടെ കട്ടന്‍കാപ്പിയും

$

0

0

ചൂട് ചായക്കൊപ്പം ബട്ടറും പഴവും ചേർന്ന ബനാന വാൾനട്ട് കേക്ക് കഴിക്കാം ബട്ടർ- 150 ഗ്രാം കാസ്റ്റർ ഷുഗർ- 225 ഗ്രാം മുട്ട- മൂന്നെണ്ണം വാനില എസ്സൻസ്- ഒരു ടീസ്പൂൺ മൈദ- 225 ഗ്രാം ബേക്കിങ് പൗഡർ- അര ടീസ്പൂൺ ബേക്കിങ് സോഡ- അര ടീസ്പൂൺ പഴം- മൂന്നെണ്ണം വാൾനട്ട്- 100 ഗ്രാം തയ്യാറാക്കിയത് ഒരു ബൗളിൽ ബട്ടർ, കാസ്റ്റർ ഷുഗർ, വാനില എസ്സൻസ് എന്നിവ നന്നായി അടിച്ചെടുക്കുക. അതിലേക്ക് ഓരോ മുട്ട ചേർത്തടിക്കുക. ശേഷം മൈദ, ബേക്കിങ് പൗഡർ, ബേക്കിങ് സോഡ എന്നിവ ഒരുമിച്ച് അരിച്ചെടുത്ത് തയ്യാറാക്കിയ മിശ്രിതത്തിലേക്ക് ചേർക്കാം. ഇനി വാൾനട്ട് നുറുക്കിയത് ചേർത്ത് യോജിപ്പിക്കണം. ഇനിയിത് ഒരു ലോഫ് ടിന്നിലേക്ക് മാറ്റി 165 ഡിഗ്രിയിൽ 20 മിനിട്ട് വരെ ബേക്ക് ചെയ്യാം. Content Highlight: Banana walnut cake recipe

അമിതവണ്ണം കുറയ്ക്കാന്‍ നെല്ലിക്ക, വെറും വയറ്റില്‍ കഴിക്കല്ലേ

January 31, 2020, 9:50 am

≫ Next: പ്രാതലിന് ഒണിയന്‍ കാരം ദോശ

≪ Previous: ചായക്കൊപ്പം ബനാന വാള്‍നട്ട് കേക്ക്‌

$

0

0

ഇന്ത്യൻ ഗൂസ്ബെറി എന്ന പേരിൽ അറിയപ്പെടുന്ന നെല്ലിക്ക പോഷകഗുണങ്ങളുടെയും ഔഷധമൂല്യങ്ങളുടെയും കലവറയാണ്. വിറ്റാമിൻ സി ഏറ്റവും കൂടുതൽ അടങ്ങിയരിക്കുന്നു. വിറ്റാമിൻ ബി, ഇരുമ്പ്, കാത്സ്യം എന്നിവയും നെല്ലിക്കയിലുണ്ട്. മുടിക്കും ചർമത്തിനും മികച്ചത് നെല്ലിക്കയിലെ വിറ്റാമിൻ സി ശാരീരിക-മാനസിക ആരോഗ്യത്തിന് നല്ലതാണ്. രോഗപ്രതിരോധശേഷി വർധിപ്പിക്കാനും ആമാശയത്തിന്റെ പ്രവർത്തനം സുഖകരമാക്കാനും മസ്തിഷ്കം, കരൾ, ഹൃദയം, ശ്വാസകോശം എന്നിവയുടെ മികച്ച പ്രവർത്തനങ്ങൾക്കും സഹായിക്കും. ദിവസവും നെല്ലിക്ക കഴിക്കുന്നത് അമിതവണ്ണം കുറയ്ക്കാൻ സഹായിക്കും. മുടിയുടെ ആരോഗ്യം വർധിപ്പിക്കാനും നെല്ലിക്ക സഹായിക്കുന്നു. നെല്ലിക്കയിലെ ആന്റിഓക്സിഡന്റുകൾ ചർമത്തെ സംരക്ഷിക്കുന്നു. വെറുംവയറ്റിൽ കഴിക്കല്ലേ വെറുംവയറ്റിൽ നെല്ലിക്ക കഴിക്കുന്നത് അസിഡിറ്റിക്ക് കാരണമാകാറുണ്ട്. നാരുകൾ ധാരാളം അടങ്ങിയിട്ടുള്ളതിനാൽ വയറിളക്കമോ മലബന്ധമോ ഉണ്ടാക്കാം. നെല്ലിക്ക അധികം കഴിക്കുന്നത് ജലദോഷം വരാൻ സാധ്യത കൂട്ടും. നെല്ലിക്ക അമിതമായി കഴിച്ചാൽ ചിലരിൽ വയറുവേദന, ഛർദി, തലവേദന എന്നിവയുണ്ടാകും. വിവരങ്ങൾക്ക് കടപ്പാട്: ശുഭശ്രീ പ്രശാന്ത് ക്ലിനിക്കൽ ന്യൂട്രിഷനിസ്റ്റ് ആറ്റുകാൽ ദേവി ഹോസ്പിറ്റൽ, തിരുവനന്തപുരം ആരോഗ്യമാസികയിൽ പ്രസിദ്ധീകരിച്ചത് പുതിയ ലക്കം ആരോഗ്യമാസിക വാങ്ങാം Content Highlights:Gooseberry good for weight loss, food, health

പ്രാതലിന് ഒണിയന്‍ കാരം ദോശ

January 31, 2020, 9:52 pm

≫ Next: ചോറിനൊപ്പം വാഴക്കാപ്പൊടി കറി

≪ Previous: അമിതവണ്ണം കുറയ്ക്കാന്‍ നെല്ലിക്ക, വെറും വയറ്റില്‍ കഴിക്കല്ലേ

$

0

0

പ്രാതലിന് ഏറ്റവും നല്ല വിഭവമാണ് ദോശ. നല്ലൊരു പോഷകാഹാരം കൂടിയാണ് ദോശയും ചട്ണിയുമൊക്കെ. സാധാരണ ദോശയ്ക്ക് പകരം സവാളയും ചീസുമൊക്കെ ചേർത്ത ദോശയായാലോ? ചേരുവകൾ ദോശമാവ്, എണ്ണ- ആവശ്യത്തിന് മല്ലിയില നുറുക്കിയത്- അരക്കപ്പ് ഗ്രേറ്റ് ചെയ്ത ചീസ്- 100 ഗ്രാം ഒണിയൻ ചട്ണിയ്ക്ക് സവാള നുറുക്കിയത്- മൂന്ന് ചുവന്നമുളക്- എട്ട് ജീരകം- ഒരു ടീസ്പൂൺ എണ്ണ- മൂന്ന് ടീസ്പൂൺ ഉപ്പ്- ആവശ്യത്തിന് കറുവാപ്പട്ട- ആവശ്യത്തിന് വെളുത്തുള്ളി- ആറ് തയ്യാറാക്കുന്ന വിധം പാനിൽ മൂന്ന് ടീസ്പൂൺ എണ്ണ ചൂടാകുമ്പോൾ ജീരകവും ചുവന്നമുളകുമിട്ട് വഴറ്റണം. അതിലേക്ക് സവാള, വെളുത്തുള്ളി, കറുവാപ്പട്ട എന്നിവ ചേർത്ത് വഴറ്റാം. തണുക്കുമ്പോൾ അരയ്ക്കുക. തവ ചൂടാവുമ്പോൾ രണ്ട് സ്പൂൺ ദോശമാവൊഴിച്ച് പരത്തണം. പകുതി വേവുമ്പോൾ രണ്ട് സ്പൂൺ ഒണിയൻ ചട്ണി ദോശയുടെ മുകളിലൊഴിക്കുക. ശേഷം ഗ്രേറ്റ് ചെയ്ത ചീസിട്ട് ഉരുകുമ്പോൾ മല്ലിയില ചേർത്ത് ദോശ മടക്കുക. തേങ്ങ ചട്ണിക്കൊപ്പം കഴിക്കാം. ഗൃഹലക്ഷ്മിയിൽ പ്രസിദ്ധീകരിച്ചത് Content Highlight: Onion Dosa and chutney recipe

ചോറിനൊപ്പം വാഴക്കാപ്പൊടി കറി

February 1, 2020, 12:37 pm

≫ Next: ലഞ്ചിനൊപ്പം വെറൈറ്റി ചിക്കന്‍ പിരിപിരി

≪ Previous: പ്രാതലിന് ഒണിയന്‍ കാരം ദോശ

$

0

0

ഏത്തക്കായ വിറ്റാമിനുകളുടെയും നാരുകളുടെയും കലവറയാണ്. ദിവസവുമുള്ള ഭക്ഷണത്തിൽ ഇത് മടിക്കാതെ ഉൾപ്പെടുത്തുകയും ചെയ്യാം. ഇന്ന് ഏത്തക്കായ കൊണ്ടുള്ള സ്പെഷ്യൽ വിഭവമായാലോ ഏത്തക്കായ നുറുക്കിയത്- മൂന്ന് കപ്പ് മഞ്ഞൾപൊടി, ഉപ്പ്- ആവശ്യത്തിന് അരപ്പിന് ആവശ്യമായത് മല്ലി, എണ്ണ- രണ്ട് ടേ.സ്പൂൺ വീതം പൊട്ടുകടല- ഒന്നര ടേബിൾസ്പൂൺ ഉണക്കമുളക്- ഒന്ന് ജീരകം- ഒരു ടീസ്പൂൺ കുരുമുളക്- കാൽ ടീസ്പൂൺ കായം- ഒരു ചെറിയ കഷ്ണം താളിക്കാൻ ആവശ്യമായത് എണ്ണ- രണ്ട് ടേബിൾസ്പൂൺ കടുക്- അര ടീസ്പൂൺ ഉഴുന്നുപരിപ്പ്- ഒരു ടീസ്പൂൺ കറിവേപ്പില- ഒരു കതിർപ്പ് അടി കട്ടിയുള്ള കടായിയിൽ എണ്ണ ചൂടാകുമ്പോൾ കായം ഇട്ട് വഴറ്റണം. അതിലേക്ക് പൊട്ടുകടല ചേർത്ത് ചെറുതായി വറക്കുക. കുരുമുളക്, മല്ലി, ജീരകം, ഉണക്കമുളക് എന്നിവ ചേർത്ത് മിതമായ തീയിൽ വഴറ്റണം. ഇതൊരു പ്ലേറ്റിലേക്ക് മാറ്റി, തരുതരുപ്പായി പൊടിച്ചെടുക്കാം. അതേ കടായിയിൽ എണ്ണ ചേർത്ത് ചൂടാകുമ്പോൾ കടുക് ചേർത്ത് പൊട്ടിക്കുക. ശേഷം ഉഴുന്നുപരിപ്പ് ചേർത്ത് സ്വർണ്ണനിറമാവുമ്പോൾ കറിവേപ്പില, ഏത്തക്കായ, മഞ്ഞൾപൊടി, ഉപ്പ് എന്നിവ ചേർത്തിളക്കി അൽപം വെള്ളം കുടഞ്ഞ് ചെറുതീയിൽ അടച്ചുവെച്ച് വേവിക്കാം. ഇടയ്ക്കിടെ ഇളക്കണം. ആവശ്യമെങ്കിൽ വെള്ളം കുടഞ്ഞുകൊടുക്കുകയും വേണം. ഏത്തക്കായ വെന്താൽ മിതമായ തീയിൽ ഫ്രൈ ചെയ്യണം. അവസാനം പൊടികൾ ചേർത്തിളക്കാം. കൂടുതൽ പാചകക്കുറിപ്പുകളറിയാൻ ഗൃഹലക്ഷ്മി വാങ്ങാം Content Highlights: Raw Banana Curry Recipe

ലഞ്ചിനൊപ്പം വെറൈറ്റി ചിക്കന്‍ പിരിപിരി

February 2, 2020, 2:30 am

≫ Next: കറുമുറെ തിന്നാന്‍ കാബേജ് പക്കോഡ, ഈസിയായുണ്ടാക്കാം

≪ Previous: ചോറിനൊപ്പം വാഴക്കാപ്പൊടി കറി

$

0

0

ഉച്ചയൂണിനൊപ്പം ചിക്കൻകൊണ്ട് വ്യത്യസ്തമായ ഒരു വിഭവമായാലോ? ചിക്കൻ - ഒരു കിലോ (മുറിച്ചത്) ഇഞ്ചി-വെളുത്തുള്ളി പേസ്റ്റ് - ഒരു ടേബിൾ സ്പൂൺ വിനാഗിരി - ഒരു ടീസ്പൂൺ മുട്ട - ഒന്ന് കോൺഫ്ളവർ - ഒരു ടേബിൾ സ്പൂൺ മുളകുപൊടി - രണ്ട് ടേബിൾ സ്പൂൺ മഞ്ഞൾപൊടി - ഒരു ടീസ്പൂൺ പെരുംജീരകം പൊടിച്ചത് - ഒരു ടീസ്പൂൺ പച്ചമുളക് - അഞ്ചെണ്ണം കറിവേപ്പില - അഞ്ച് തണ്ട് പിരിയൻ മുളക് - മൂന്ന് ടേബിൾസ്പൂൺ (ചതച്ചത്) വെളിച്ചെണ്ണ - ആവശ്യത്തിന് തയ്യാറാക്കുന്ന വിധം ഇഞ്ചി-വെളുത്തുള്ളി പേസ്റ്റ്, വിനാഗിരി, മുട്ട, കോൺഫ്ളവർ, മുളകുപൊടി, മഞ്ഞൾപൊടി, പെരുംജീരകം എന്നിവ യോജിപ്പിച്ച് ചിക്കനിൽ പുരട്ടി രണ്ട് മണിക്കൂർ ഫ്രിഡ്ജിൽ വെക്കണം. പാത്രത്തിൽ വെളിച്ചെണ്ണ ചൂടാകുമ്പോൾ ചിക്കൻ കഷ്ണങ്ങളിട്ട് ഡീപ് ഫ്രൈ ചെയ്യുക. ബാക്കിയുള്ള വെളിച്ചെണ്ണയിൽ നിന്ന് മൂന്ന് ടേബിൾസ്പൂൺ മറ്റൊരു പാത്രത്തിലൊഴിച്ച് ചൂടാകുമ്പോൾ പച്ചമുളക്, കറിവേപ്പില, പിരിയൻമുളക് എന്നിവയിട്ട് വഴറ്റുക. അതിലേക്ക് ചിക്കൻ ചേർത്ത് നന്നായി ഇളക്കിയെടുക്കാം. കഷ്ണങ്ങളിൽ ഈ കൂട്ട് നന്നായി പൊതിഞ്ഞിരിക്കുന്നതാണ് പാകം. ഗൃഹലക്ഷ്മിയിൽ പ്രസിദ്ധീകരിച്ചത് Content Highlights: Chicken Recipes for Lunch

---

കറുമുറെ തിന്നാന്‍ കാബേജ് പക്കോഡ, ഈസിയായുണ്ടാക്കാം

February 2, 2020, 6:26 am

≫ Next: രണ്ടു പായസവും കൂട്ടി ഒരാള്‍ സദ്യ ഉണ്ടാല്‍ എത്ര കലോറി അകത്താക്കിയിട്ടുണ്ടാകും ?

≪ Previous: ലഞ്ചിനൊപ്പം വെറൈറ്റി ചിക്കന്‍ പിരിപിരി

$

0

0

വീട്ടിൽ കാബേജ് ഇരിപ്പുണ്ടോ? എന്നാൽ ഇന്ന് കറുമുറെ തിന്നാൻ പക്കോഡ ഉണ്ടാക്കിയാലോ? കാബേജ് കൊണ്ട് പക്കോഡ തയ്യാറാക്കുന്ന വിധമാണ് താഴെ നൽകിയിരിക്കുന്നത്. ചേരുവകൾ കൊത്തിയരിഞ്ഞ കാബേജ്- രണ്ട് കപ്പ് കടലപ്പൊടി- മുക്കാൽ കപ്പ് അരിഞ്ഞ സവാള- ഒന്ന് അരിപ്പൊടി- കാൽ കപ്പ് മുളകുപൊടി- ഒരു ടീസ്പൂൺ മഞ്ഞൾപൊടി- കാൽ ടീസ്പൂൺ കായം- ഒരു നുള്ള് ഇഞ്ചി, വെളുത്തുള്ളി പേസ്റ്റ്- ഒരു ടീസ്പൂൺ കറിവേപ്പില- രണ്ട് തണ്ട് ഉപ്പ്, എണ്ണ- പാകത്തിന് തയ്യാറാക്കുന്ന വിധം കാബേജും സവാളയും പിഴിഞ്ഞ് വെള്ളം കളയുക. ചേരുവകൾ എല്ലാം വെള്ളം ചേർത്ത് നന്നായി യോജിപ്പിച്ച് മാവുണ്ടാക്കുക. ചൂടായ എണ്ണയിൽ ഇത് അൽപാൽപമായി കോരിയിട്ട് ചുവക്കെ വറുക്കുക. ടിഷ്യൂ പേപ്പറിൽ നിരത്തി എണ്ണ കളഞ്ഞ ശേഷം ചട്ണി കൂട്ടി ചൂടോടെ കഴിക്കാം. ഗൃഹലക്ഷ്മിയിൽ പ്രസിദ്ധീകരിച്ചത് Content Highlights:cabbage pakoda

രണ്ടു പായസവും കൂട്ടി ഒരാള്‍ സദ്യ ഉണ്ടാല്‍ എത്ര കലോറി അകത്താക്കിയിട്ടുണ്ടാകും ?

February 3, 2020, 6:42 am

≫ Next: ആര്‍ത്തവം അടുക്കുമ്പോള്‍ പേടിയാണോ? പി.എം.എസില്‍ നിന്ന് കരകയറാം ഇവ കഴിച്ചാല്‍

≪ Previous: കറുമുറെ തിന്നാന്‍ കാബേജ് പക്കോഡ, ഈസിയായുണ്ടാക്കാം

$

0

0

രണ്ടുവർഷം കൂടുമ്പോൾ ഒരു കംപ്ലീറ്റ് മെഡിക്കൽ ചെക്ക് അപ്പ് നാൽപത് വയസ്സ് കഴിഞ്ഞപ്പോൾ മുതലുള്ള ഒരു ആചാരമാണ്. ഇപ്പോൾ അൻപത്തി അഞ്ചായ സ്ഥിതിക്ക് അത് ഇനി വർഷത്തിൽ ഒന്ന് വീതമാക്കണം. ജീവിതശൈലിയിലെ ദോഷം കൊണ്ട് പ്രഷറും ഷുഗറും ഒക്കെയായി പകരാവ്യാധികൾ ഓരോന്ന് നമ്മുടെ ശരീരത്തെ ആക്രമിക്കുന്ന സമയമാണ്. പതിനഞ്ച് വർഷമായി ഞാൻ എറണാകുളത്തെ ലൂർദ്ദ് ആശുപത്രിയിലാണ് ചെക്ക് അപ്പ് നടത്തുന്നത്. അവിടെ ഷാജു എന്ന ഡോക്ടർക്കാണ് ഇതിന്റെ ചാർജ്ജ്. വളരെ സൗഹാർദപൂർവം പ്രൊഫഷണലായിട്ടാണ് ആദ്യത്തെ തവണ മുതൽ അദ്ദേഹം ഇടപെടുന്നത്. രാവിലെ ആറുമണിക്ക് അവിടെ എത്തിയാൽ എല്ലാ പരിശോധനകളുടെയും ആദ്യത്തെ ഫലത്തിന്റെ അടിസ്ഥാനത്തിൽ വേണ്ട സ്പെഷ്യലിസ്റ്റുമാരെ കാണിച്ച് ഉച്ചക്ക് രണ്ടുമണിയോടെ നമുക്ക് പ്രാഥമിക റിപ്പോർട്ടും ലഞ്ചും തന്നു പറഞ്ഞയക്കും. വിശദമായ റിപ്പോർട്ട് ഒരാഴ്ചക്കകം ഇമെയിലിൽ അയക്കുകയും ചെയ്യും. നിങ്ങളിൽ നാല്പത് കഴിഞ്ഞവർ തീർച്ചയായും ഇത്തരത്തിൽ പരിശോധന നടത്തണം. അധികം ചിലവൊന്നുമില്ല, അത് നൽകുന്ന മുന്നറിയിപ്പുകൾ, ആത്മവിശ്വാസം, വിദഗ്ധോപദേശം എല്ലാം കണക്കാക്കിയാൽ നല്ല റിട്ടേൺ ഓൺ ഇൻവെസ്റ്റ്മെന്റ് ആണ്. ലൂർദ്ദിൽ മാത്രമല്ല കേരളത്തിലെ വൻകിട ആശുപത്രികളിലെല്ലാം ഇതിന് സൗകര്യമുണ്ട്. ഇനി വൈകിക്കേണ്ട. അല്പം പൊണ്ണത്തടിയും അമിതഭാരവും ഉള്ളതുകൊണ്ട് ഒരു ഡയറ്റീഷ്യനുമായിട്ടുള്ള കൺസൾട്ടേഷൻ എപ്പോഴുമുണ്ട്. കേരളത്തിൽ ഞാൻ കണ്ടിട്ടുള്ള എല്ലാ ഡയറ്റീഷ്യന്മാരുടെയും പൊതു പരിചയം കേരളീയ ഭക്ഷണങ്ങളും ആയിട്ടല്ല. അതുകൊണ്ടു തന്നെ ഓരോ തവണയും ഞാൻ ഇക്കാര്യം അവരോട് ചോദിക്കും, പുതിയതായി അറിവുകൾ നേടാനുള്ള ആഗ്രഹം കൊണ്ടാണ്. മാഡം, രണ്ടു കൂട്ടം പായസവും കൂട്ടി ഒരാൾ ഒരു കേരള സദ്യ ഉണ്ടാൽ അയാൾ എത്ര കലോറി അകത്താക്കിയിട്ടുണ്ടാകും ? ഇത്തിരി കടല പിണ്ണാക്കും, ഇത്തിരി കാടി വെള്ളവും പോലെ ഇത്തിരിയായിട്ടാണ് മലയാളികൾ സദ്യ ഉണ്ണുന്നതെങ്കിലും എണ്ണയിൽ വറുത്തതും, എണ്ണ ഒഴിച്ചുണ്ടാക്കുന്നതുമായ വിഭവങ്ങൾ ഒരു വശത്ത്, രണ്ടു ഗ്ലാസ് പായസം ഉണ്ടാക്കുന്ന പഞ്ചസാര ആക്രമണം മറുവശത്ത്. കുന്നോളം ചോറുണ്ടാക്കുന്ന കാർബോ ഹൈഡ്രേറ്റ് ആക്രമണം വേറെ. ഇതെത്രെയാണെന്ന് ആർക്കും കണക്കില്ല. പണ്ടാണെങ്കിൽ ഓണക്കാലത്ത് ഒറ്റ സദ്യ ഉണ്ടാൽ മതിയായിരുന്നു. ഇപ്പോൾ ഓഫീസിൽ, ക്ലബ്ബിൽ, റെസിഡന്റ് അസോസിയേഷനിൽ, വീട്ടിൽ എന്നിങ്ങനെ നാലു സദ്യയിൽ നിന്നാൽ ഭാഗ്യം. നല്ല സാമൂഹ്യ ബന്ധങ്ങൾ ഉള്ളവർക്ക് പത്തോ അതിൽ കൂടുതലോ സദ്യയുടെ ആക്രമണം നേരിടണം. ഇതിപ്പോൾ സദ്യയുടെ മാത്രം കാര്യമല്ല. ഓണത്തിനും വിഷുവിനും മാത്രമുണ്ടായിരുന്ന കായ വറുത്തത് ഇപ്പോൾ സ്ഥിര ഭക്ഷണമായി. കേരളത്തിൽ അങ്ങോളമിങ്ങോളം റോഡരികിൽ പ്രൈം ലൊക്കേഷനുകളിൽ കായയും കപ്പയും വറുത്തതിനുള്ള കടകൾ നടത്തുന്നതിൽ നിന്ന് തന്നെ അതിന്റെ വ്യാപാരം എത്രയുണ്ടെന്ന് മനസിലാക്കാം. തെക്കൻ കേരളത്തിലേക്ക് പോകുമ്പോൾ പത്തുരൂപക്ക് ചെറുകടി എന്ന ബോർഡുകൾ ഓരോ അഞ്ചു കിലോമീറ്ററിലും ഉണ്ട്, പരിപ്പുവട മുതൽ പക്കോഡ വരെ. ഇതിന്റെയൊക്കെ കലോറി എത്രയാണെന്ന് വല്ല പഠനവും ഉണ്ടോ? (ബിരിയാണി, ബീഫ് തുടങ്ങിയ നോൺ വെജ് ആക്രമണം വേറെയുണ്ട്, അതിനെപ്പറ്റി പിന്നീടൊരിക്കൽ പറയാം). ഇതൊക്കെ അറിയാമെങ്കിൽ ചേട്ടന് പിന്നെ ഇതങ്ങ് കഴിക്കാതിരുന്നു കൂടെ, ഞങ്ങളെക്കൊണ്ട് കലോറി അളന്നു നോക്കേണ്ട വല്ല കാര്യവും ഉണ്ടോ?. ഈ വസ്തുക്കൾക്കെല്ലാം മലയാളിയുടെ നൊസ്റ്റാൾജിയയുടെ രുചിയുള്ളതിനാലും പണ്ട് ആഗ്രഹിച്ചു കിട്ടാതിരുന്നതിന്റെ വിഷമം ഉള്ളതിനാലും പെട്ടെന്ന് നിറുത്തുക എളുപ്പമല്ല. ആറ്റിൽ കളഞ്ഞാലും അളന്നു കളയണം എന്നാണ് പഴംചൊല്ല്. അതുപോലെ കേരളത്തിലെ ഭക്ഷണ സാധനങ്ങളുടെ കലോറി നമ്മൾ അറിഞ്ഞിരിക്കേണ്ടതാണ്. യൂറോപ്പിൽ സൂപ്പർമാർക്കറ്റിൽ കയറി ഒരു സാലഡ് വാങ്ങിയാൽ പോലും അതിന്റെ താഴെ കലോറി എത്ര എന്ന് എഴുതിയിട്ടുണ്ടാകും. ഒരു പാക്കറ്റ് ഉഴുന്ന് വടയുടെ താഴെ അതിന്റെ കലോറി എഴുതി വെക്കാൻ എന്താണ് പ്രയാസം? ആരോഗ്യരംഗത്ത് കേരളം നമ്പർ വൺ ആണ്. കേരളത്തിലെ ആളുകളുടെ ശരാശരി ആയുസ് കൂടുകയാണ്. അതേസമയം ആശുപത്രി ചിലവുകൾ പടിപടിയായി കൂടുന്നു. ഒരാളുടെ ആയുഷ്ക്കാലത്തെ ആശുപത്രി ചിലവിന്റെ തൊണ്ണൂറു ശതമാനവും അയാളുടെ അവസാനത്തെ പത്തു വർഷത്തിൽ ആണ് ഉണ്ടാകുന്നത് എന്നാണ് വികസിത രാജ്യങ്ങളിൽ നിന്നുള്ള കണക്കുകൾ പറയുന്നത്. അവിടേക്കാണ് കേരളം നടന്നു നീങ്ങുന്നത്, പക്ഷെ അതിനുള്ള സാന്പത്തിക തയ്യാറെടുപ്പുകൾ ഒരു ശരാശരി മലയാളി നടത്തിയിട്ടില്ല. ഒരു വീടുണ്ടാക്കുക, കുട്ടികളുടെ വിദ്യാഭ്യാസം നടത്തുക, അവരുടെ വിവാഹം ആർഭാടമായി നടത്തുക, ശേഷ ജീവിതം മരണം വരെ വലിയ ബുദ്ധിമുട്ടില്ലാതെ മുന്നോട്ട് കൊണ്ടുപോവുക എന്നതാണ് ശരാശരി മലയാളിയുടെ ചിന്തയും പ്ലാനിങ്ങും. പക്ഷെ, പത്തു സദ്യയും ബീഫും ബിരിയാണിയും കഴിച്ച് പത്തു മീറ്റർ പോലും നടക്കാതെയുള്ള ജീവിതം അത്ര എളുപ്പത്തിൽ തീർന്നുപോകാൻ നമ്മുടെ ആരോഗ്യ രംഗത്തെ വളർച്ച നമ്മളെ അനുവദിക്കുമെന്ന് തോന്നുന്നില്ല. ചുരുങ്ങിയത് ആൻജിയോപ്ലാസ്റ്റി മുതൽ ഡയാലിസിസ് വരെ, പറ്റിയാൽ കിഡ്നി ട്രാൻസ്പ്ലാന്റ് മുതൽ മുട്ട് മാറ്റിവെക്കൽ വരെ, വേണ്ടി വന്നാൽ ഓപ്പൺ ഹാർട്ട് മുതൽ ലിവർ ട്രാൻസ്പ്ലാന്റ്റ് വരെ സാദ്ധ്യതകൾ അനവധിയാണ്. ഇതിനെയൊക്കെ പഞ്ചായത്തുകൾ തോറും ഡയാലിസിസ് യൂണിറ്റ് ഉണ്ടാക്കിയല്ല നാം പ്രതിരോധിക്കേണ്ടത്, ആരോഗ്യകരമായ ജീവിതശൈലി ആളുകളെ പഠിപ്പിച്ചാണ്. അതില്ലെങ്കിൽ ഉണ്ടാക്കിയ വീടും വിറ്റ്, മക്കൾക്ക് ഭാരമായി, ജീവിതം ദുരിതമാകാൻ പോകുന്നതിനെ പറ്റി ആളുകളെ പഠിപ്പിച്ചാണ് പ്രതിരോധിക്കേണ്ടത്, വേണമെങ്കിൽ പേടിപ്പിച്ചും. ഇനിയുള്ള കാലത്ത് ഇവിടെയാണ് നമ്മുടെ ആരോഗ്യ നയം ശ്രദ്ധ കൊടുക്കേണ്ടത്. അതിന്റെ തുടക്കം നമ്മുടെ ഭക്ഷണ സാധനങ്ങളെ ശരിയായി മനസിലാക്കുക എന്നതാണ്. (വിഷമടിച്ച പച്ചക്കറി, മായം ചേർത്ത പലവ്യഞ്ജനം, പ്രിസർവേറ്റിവുകൾ ചേർത്ത നിർമ്മിത വസ്തുക്കൾ എന്നിങ്ങനെ വിഷയങ്ങൾ വേറെയും ഉണ്ട്). കപ്പയും താറാവും കണ്ണുമടച്ച് മൂക്കറ്റം വെട്ടി വിഴുങ്ങുന്ന ചേട്ടൻ തന്നെ വേണം ഇത് പറയാൻ എന്നായിരിക്കും ഇപ്പോൾ നിങ്ങൾ ചിന്തിക്കുന്നത്. എനിക്ക് ഏറ്റവും വേഗത്തിലും കൂടുതലായും ആവശ്യം വരാൻ പോകുന്ന വിഷയത്തെപ്പറ്റി ഞാനല്ലാതെ വേറെ ആരാണ് അഭിപ്രായം പറയേണ്ടത്?. ആയതിനാൽ ഈ വർഷം ഈ വിഷയത്തിൽ കൂടുതൽ ലേഖനങ്ങൾ പ്രതീക്ഷിക്കാം... Content Highlights:muralee thummarukudy note on food habits of keralites

ആര്‍ത്തവം അടുക്കുമ്പോള്‍ പേടിയാണോ? പി.എം.എസില്‍ നിന്ന് കരകയറാം ഇവ കഴിച്ചാല്‍

February 3, 2020, 6:42 am

≫ Next: ചിക്കന്‍ കബാബ് വീട്ടില്‍ തന്നെ ഉണ്ടാക്കിയാലോ?

≪ Previous: രണ്ടു പായസവും കൂട്ടി ഒരാള്‍ സദ്യ ഉണ്ടാല്‍ എത്ര കലോറി അകത്താക്കിയിട്ടുണ്ടാകും ?

$

0

0

മുഖക്കുരു, സ്തനങ്ങളിലെ വേദന, ബ്ളോട്ടിങ്, മൂഡ്സ്വിങ്സ്, വിഷാദം... പ്രിമെൻസ്ട്രൽ സിൻഡ്രം കൊണ്ടുവരുന്ന പൊല്ലാപ്പുകൾ അനുഭവിക്കാത്ത സ്ത്രീകളുണ്ടാവില്ല. ആർത്തവം അടുക്കുമ്പോഴേക്കും ശാരീരിക മാനസിക വൈഷമ്യങ്ങളെക്കുറിച്ച് പേടിയോടെ ഓർക്കുന്നവരുണ്ട്. എന്നാൽ കൃത്യമായ ഭക്ഷണ രീതിയിലൂടെ ഇവയെ മറികടക്കാകും. മധുരപലഹാരങ്ങൾ, ചായ, കാപ്പി, നാര് കുറഞ്ഞ ജങ്ക് ഫുഡുകൾ... ഇവയൊക്കെ ഒഴിവാക്കാം. പകരം നാരുകളും വിറ്റാമിനുകളും അടങ്ങിയ പോഷക സമ്പുഷ്ടമായ ആഹാരം ഉൾപ്പെടുത്തിയാലോ 1. ഓട്സ് നാരുകൾ ഏറെയുള്ള ഭക്ഷണമാണ് ഓട്സ്. മാത്രമല്ല വിറ്റാമിൻ ബി വൺ, അഥവാ തയാമിൻ സമ്പുഷ്ടമാണ് ഇത്. ഈ വിറ്റാമിൻ ഒരു മൂഡ് ബൂസ്റ്റിങ് ഏജെന്റ് കൂടിയാണ്. പി.എം.എസിൽ നിന്ന് കരകയറാൻ ഇതിലും നല്ല ഭക്ഷണം വേറെയില്ല. 2. തണ്ണിമത്തൻ ബ്ളോട്ടിങാണ് ആർത്തവകാലത്തെ മറ്റൊരു വില്ലൻ. നന്നായി വെള്ളം കുടിക്കാനാണ് ഇതിനുള്ള പരിഹാരമായി പറയുന്നത്. ഇതിനൊപ്പം ധാരാളം ജലാംശമടങ്ങിയ തണ്ണിമത്തൻ പോലുള്ള പഴങ്ങളും കഴിക്കാം. ഇതിലടങ്ങിയ വിറ്റാമിൻ ബി സിക്സ് ആർത്തവകാലത്തെ ബ്ലോട്ടിങ്, ഉത്കണ്ഠ എന്നിവ എന്നിവയ്ക്ക് പരിഹാരമാണ്. സാലഡോ, ജ്യൂസോ... തണ്ണിമത്തൻ എങ്ങനെയും കഴിച്ചോളൂ. 3. ഫ്ളാക്സ് സീഡ്സ് ഒമേഗാ ത്രീ ഫാറ്റി ആസിഡുകൾ ആർത്തവ വേദനകൾ കുറയ്ക്കാൻ ഉത്തമമാണെന്നാണ് പഠനങ്ങൾ. ഫ്ളാക്സ് സീഡ് ഒമേഗ ത്രീയുടെ കലവറയാണ്. നിങ്ങൾക്ക് ഇഷ്ടപ്പെട്ട സ്മൂത്തിയിലോ മറ്റോ രണ്ടോ മൂന്നോ ടേബിൾസ്പൂൺ ഫഌക്സ് സീഡ്സ് പൊടി ചേർത്ത് കുടിക്കാം. 4. കൂൺ ആർത്തവത്തിന് മുമ്പ് ഉണ്ടാകുന്ന ഈസ്ട്രജൻ ഹോർമോൺ വ്യതിയാനങ്ങളെ പരിഹരിക്കാൻ വിറ്റാമിൻ ഡി അടങ്ങിയ ഭക്ഷണം കഴിക്കാം. ഇതിന് ഏറ്റവും നല്ലത് കൂൺ ഭക്ഷണത്തിൽ ഉൾപ്പെടുത്തുന്നതാണ്. വിറ്റാമിൻ ഡി നമ്മുടെ മൂഡ് മാറ്റങ്ങളെ മാത്രമല്ല പ്രത്യുത്പാദന ആരോഗ്യത്തെയും സ്വാധീനിക്കുന്നുണ്ട്. 4. സാൽമൺ ഒമേഗ ത്രീയും കാൽസ്യവും... സാൽമൺ ഫിഷ് ഭക്ഷണത്തിൽ ഉൾപ്പെടുത്തിയാൽ ഇവ രണ്ടിന്റെയും അപര്യാപ്തത പരിഹരിക്കാം. 5. നട്സ്, സീഡ്സ്, ബീൻസ് പി.എം.എസിലെ പ്രധാന പ്രശ്നമാണ് ചെറിയ കാര്യങ്ങൾക്ക് വരെ അസ്വസ്ഥമാകുന്ന മനസ്സും ഒപ്പം ദേഷ്യവും. സൺഫ്ളവർ സീഡ്സ്, കശുവണ്ടി, സ്പിനാച്ച്... ഇവയൊക്കെ ഭക്ഷണത്തിൽ ഉൾപ്പെടുത്തിക്കോളൂ. മഗ്നീഷ്യം സമൃദ്ധമാണ് ഇവ. തലച്ചോറിലെ മൂഡ് ബാലൻസിങ് കെമിക്കലിനെ ശരിയായി നിയന്ത്രിക്കാൻ മഗ്നീഷ്യം ആവശ്യമാണ്. Content Highlights: Best food for PMS

ചിക്കന്‍ കബാബ് വീട്ടില്‍ തന്നെ ഉണ്ടാക്കിയാലോ?

February 3, 2020, 6:42 am

≫ Next: കൊതിയൂറും കടായി പ്രോണ്‍സ്

≪ Previous: ആര്‍ത്തവം അടുക്കുമ്പോള്‍ പേടിയാണോ? പി.എം.എസില്‍ നിന്ന് കരകയറാം ഇവ കഴിച്ചാല്‍

$

0

0

ചിക്കൻ കബാബ് വീട്ടിൽ തന്നെ പരീക്ഷിച്ചാലോ ചേരുവകൾ ബോൺലെസ് ചിക്കൻ ബ്രസ്റ്റ്- പീസ് രണ്ട് ഇഞ്ചി പേസ്റ്റ്- ഒരു ടേബിൾസ്പൂൺ വെളുത്തുള്ളി പേസ്റ്റ്- ഒരു ടേബിൾസ്പൂൺ വെള്ള കുരുമുളകുപൊടി- ഒരു ടീസ്പൂൺ വൈറ്റ് വിനിഗർ- അര ടീസ്പൂൺ മാരിനേറ്റ് ചെയ്യാൻ ആൽമണ്ട്/ കശുവണ്ടി- അര കപ്പ് ഫ്രഷ് ക്രീം- അര കപ്പ് ഉപ്പ്- ആവശ്യത്തിന് തയ്യാറാക്കുന്ന വിധം ചിക്കൻ രണ്ട് ഇഞ്ച് ക്യൂബുകളാക്കി മുറിക്കുക. ഇഞ്ചി പേസ്റ്റ്, വെളുത്തുള്ളി പേസ്റ്റ്, കുരുമുളകുപൊടി, വൈറ്റ് വിനിഗർ, ഉപ്പ് എന്നിവ ചിക്കനിൽ പുരട്ടി അര മണിക്കൂർ വെയ്ക്കണം. ആൽമണ്ട്, കശുവണ്ടി എന്നിവ അര കപ്പ് വെള്ളത്തിൽ ഒരു മണിക്കൂർ കുതിർക്കണം. എന്നിട്ട് നന്നായി അരയ്ക്കുക. ഇത് ഫ്രഷ് ക്രീം, ഉപ്പ്, അൽപം കുരുമുളകുപൊടി എന്നിവയോടൊപ്പം യോജിപ്പിക്കണം. മാരിനേറ്റ് ചെയ്യാൻ വെച്ച ചിക്കൻ രണ്ടാമത് മാരിനേറ്റ് ചെയ്യാനുള്ള മിശ്രിതത്തിലേക്ക് ഇട്ട് നന്നായി യോജിപ്പിക്കുക. മൂന്ന് മണിക്കൂർ ഫ്രിഡ്ജിൽ വെയ്ക്കുക. ഓവൻ 200 ഡിഗ്രിയിൽ പ്രിഹീറ്റ് ചെയ്യുക. ചിക്കൻ പുറത്തെടുത്ത് സ്ക്യൂവറിൽ കോർത്ത് ഓവനിൽ 10 മിനിട്ട് ബേക്ക് ചെയ്യുക. അൽപം ബട്ടർ പുരട്ടി വേണം ബേക്ക് ചെയ്യാൻ. പത്ത് മിനിട്ടിനുശേഷം ചിക്കൻ മറിച്ചിട്ട് ബട്ടർ പുരട്ടി വീണ്ടും 10 മിനിട്ട് ബേക്ക് ചെയ്യുക. സ്ക്യൂവറിൽ നിന്ന് മാറ്റി സാലഡ് അല്ലെങ്കിൽ ചട്ണിക്കൊപ്പം കഴിക്കാം. കൂടുതൽ പാചകക്കുറിപ്പുകളറിയാൻ ഗൃഹലക്ഷ്മി വാങ്ങാം Content Highlights: Chicken kebab recipe

കൊതിയൂറും കടായി പ്രോണ്‍സ്

February 4, 2020, 12:11 am

≫ Next: റോ ബനാന സ്റ്റ്യൂ തയ്യാറാക്കിയാലോ ?

≪ Previous: ചിക്കന്‍ കബാബ് വീട്ടില്‍ തന്നെ ഉണ്ടാക്കിയാലോ?

$

0

0

മീൻ പ്രിയമുള്ളവരുടെ ഇഷ്ട ഭക്ഷണമാണ് ചെമ്മീൻ. വായിൽ വെള്ളമൂറുന്ന കടായി പ്രോൺസ് തയ്യാറാക്കിയാലോ ചെമ്മീൻ- അര കിലോ ഉണക്കമുളക്- ഏഴെണ്ണം എണ്ണ- രണ്ട് ടേബിൾസ്പൂൺ ജീരകം- അര ടീസ്പൂൺ സവാള നുറുക്കിയത്- ഒന്ന് ഇഞ്ചി വെളുത്തുള്ളി പേസ്റ്റ്- ഒരു ടേബിൾസ്പൂൺ പച്ചമുളക്- രണ്ടെണ്ണം തക്കാളി നുറുക്കിയത്- രണ്ടെണ്ണം മഞ്ഞൾപൊടി- കാൽ ടീസ്പൂൺ ഗരംമസാല- അര ടീസ്പൂൺ കുരുമുളകുപൊടി- കാൽ ടീസ്പൂൺ മല്ലിയില നുറുക്കിയത്- നാല് ടേബിൾസ്പൂൺ ഉപ്പ്- ആവശ്യത്തിന് തയ്യാറാക്കുന്ന വിധം ഉണക്കമുളക് വെള്ളത്തിൽ കുതിർക്കണം. ശേഷം ഒരു തക്കാളി ചേർത്തരച്ച് മാറ്റിവെക്കുക. പാനിൽ എണ്ണ ചൂടാകുമ്പോൾ കടുകിട്ട് പൊട്ടിച്ചശേഷം സവാള ചേർത്ത് ബ്രൗൺനിറമാവുന്നതുവരെ വഴറ്റുക. അതിലേക്ക് ഇഞ്ചി വെളുത്തുള്ളി പേസ്റ്റ്, പച്ചമുളക് എന്നിവ ചേർത്ത് വഴറ്റണം. ഗരംമസാല, മഞ്ഞൾപൊടി, കുരുമുളകുപൊടി എന്നിവ ഓരോന്നായി ചേർത്തിളക്കാം. ഇനി ബാക്കിയുള്ള തക്കാളി ചേർത്തടിച്ച് രണ്ട് മിനിട്ട് ചെറുതീയിൽ വേവിക്കുക. ശേഷം ചെമ്മീനും ഉപ്പും പകുതി മല്ലിയിലയും ഒന്നര കപ്പ് വെള്ളവും ചേർക്കണം. മൂടിവെച്ച് 20 മിനിട്ട് വേവിക്കണം. എണ്ണ മുകളിൽ തെളിഞ്ഞ്, കറി കുറുകുമ്പോൾ ബാക്കി മല്ലിയില ചേർത്ത് അലങ്കരിക്കാം. കൂടുതൽ പാചകക്കുറിപ്പുകളറിയാൻ ഗൃഹലക്ഷ്മി വാങ്ങാം Content Highlights:Kadai prawns recipe

റോ ബനാന സ്റ്റ്യൂ തയ്യാറാക്കിയാലോ ?

February 4, 2020, 12:11 am

≫ Next: ദഹനക്കുറവ് വില്ലനാകുന്നോ, ചെറുധാന്യങ്ങള്‍ ഭക്ഷണത്തില്‍ ഉള്‍പ്പെടുത്താം

≪ Previous: കൊതിയൂറും കടായി പ്രോണ്‍സ്

$

0

0

ഇന്നുച്ചയ്ക്ക് ഊണിനൊപ്പം വ്യത്യസ്തമായൊരു സ്റ്റ്യൂ കൂടിയായാലോ? ചേരുവകൾ ഏത്തക്കായ - മൂന്നെണ്ണം തുവരപ്പരിപ്പ് - മൂന്ന് ടീസ്പൂൺ പുളി - നെല്ലിക്ക വലുപ്പത്തിൽ സാമ്പാർപൊടി - രണ്ട് ടീസ്പൂൺ അരിപ്പൊടി - ഒരു ടീസ്പൂൺ താളിക്കാൻ ആവശ്യമായത് എണ്ണ, തേങ്ങ ചിരവിയത് - ഒരു ടീസ്പൂൺ വീതം കടുക്, പൊട്ടുകടല, ഉഴുന്നുപരിപ്പ് - ഒരു ടീസ്പൂൺ വീതം കായം - കാൽ ടീസ്പൂൺ തയ്യാറാക്കുന്ന വിധം തുവരപ്പരിപ്പ് കുക്കറിൽ വേവിക്കുക. പുളി വെള്ളത്തിൽ കുതിർക്കണം. പാനിൽ എണ്ണ ചൂടാകുമ്പോൾ കടുകിട്ട് പൊട്ടിക്കുക. ഇനി പൊട്ടുകടല, ഉഴുന്നുപരിപ്പ് എന്നിവയും ശേഷം തേങ്ങ, കായം എന്നിവയും ചേർത്ത് വഴറ്റി മാറ്റിവെയ്ക്കുക. ഏത്തക്കായ ക്യൂബുകളാക്കി പാനിലേക്കിട്ട് ഒരു കപ്പ് വെള്ളമൊഴിച്ച് വേവിക്കണം. പകുതി വേവുമ്പോൾ പുളി, ഉപ്പ്, മഞ്ഞൾപൊടി, സാമ്പാർ പൊടി എന്നിവ ചേർത്ത് തിളയ്ക്കുമ്പോൾ വേവിച്ച തുവരപ്പരിപ്പും ചേർക്കാം. അരിപ്പൊടിയിൽ അൽപം വെള്ളം ചേർത്ത് കറിയിലേക്ക് ഒഴിക്കാം. തിളയ്ക്കുമ്പോൾ താളിക്കാനുള്ളവ ചേർത്ത് അടുപ്പിൽ നിന്നിറക്കാം. കൂടുതൽ പാചകക്കുറിപ്പുകളറിയാൻ ഗൃഹലക്ഷ്മി വാങ്ങാം Content Highlights:raw banana stew

ദഹനക്കുറവ് വില്ലനാകുന്നോ, ചെറുധാന്യങ്ങള്‍ ഭക്ഷണത്തില്‍ ഉള്‍പ്പെടുത്താം

February 4, 2020, 10:43 pm

≫ Next: ഗ്രീന്‍പീസ് റൈസിനൊപ്പം ബേബി ആലു ഗ്രേവി

≪ Previous: റോ ബനാന സ്റ്റ്യൂ തയ്യാറാക്കിയാലോ ?

$

0

0

രാവിലെ അരിപ്പൊടി കൊണ്ട് ദോശയോ ഇഡ്ഡലിയോ. ഉച്ചനേരത്ത് ചോറ്. രാത്രി ഗോതമ്പുകൊണ്ടുള്ള ചപ്പാത്തിയോ പുട്ടോ...നമ്മുടെ മെനുവിൽ അരിയും ഗോതമ്പും വിലസാൻ തുടങ്ങിയിട്ട് കുറച്ചുകാലമായി. പഴയ തലമുറയുടെ ഭക്ഷണശീലങ്ങൾ പക്ഷെ കുറച്ചുകൂടി വൈവിധ്യപൂർണ്ണമായിരുന്നു. റാഗി,ചോളം,കമ്പം,തിന തുടങ്ങി ധാരാളം ചെറുധാന്യങ്ങൾ പഴമക്കാരുടെ നിത്യാഹാരത്തിൽ പെട്ടിരുന്നു. ഇന്ന് ചെറുധാന്യങ്ങളുടെ ഗുണം തിരിച്ചറിയുകയാണ് ഭക്ഷ്യലോകം. ശരീരത്തിലെ ഉപാപചയ പ്രവർത്തനങ്ങളെ സജീവമായി നിലനിർത്തുന്ന നാരുകളാൽ സമ്പന്നമാണ് എന്നതാണ് ചെറുധാന്യങ്ങളുടെ പ്രധാന സവിശേഷത. ഗവേഷകരും പോഷകാരോഗ്യവിദഗ്ദ്ധരും അവയെ നമ്മുടെ ഊണുമേശയിലേക്ക് തിരിച്ചെത്തിക്കാനുള്ള ശ്രമത്തിലാണ്. ഒട്ടേറെ കാര്യങ്ങളിൽ നാം എന്നും കഴിക്കുന്ന അരിയേക്കാളും ഗോതമ്പിനേക്കാളും ഗുണമേന്മയുണ്ട് ചെറുധാന്യങ്ങൾക്ക്. അന്നജത്തിന്റെ അളവ് കൂടുതലാണ് അരിയിലും ഗോതമ്പിലും. എന്നാൽ താരതമ്യേന കൊഴുപ്പും (ഫാറ്റ്) ഊർജ്ജവും( കലോറി) കുറഞ്ഞവയാണ് ചെറുധാന്യങ്ങൾ. അതേസമയം ഇവയിൽ അരി,ഗോതമ്പ് എന്നിവയിലുള്ളതിനേക്കാൾ കൂടിയ അളവിൽ നാരുകളും ബീറ്റാ കരോട്ടിനും പ്രോട്ടീനും ധാതുക്കളും അടങ്ങിയിട്ടുമുണ്ട്. പ്രമേഹം,രക്തസമ്മർദ്ദം,പോലുള്ള ജീവിതശൈലീരോഗങ്ങളേ പ്രതിരോധിക്കാൻ സഹായിക്കുന്നവയാണ് ഇവയിലെ നാരുകളും പ്രോട്ടീനും. നമ്മുടെ ദഹനവ്യവസ്ഥയ്ക്ക് അനുയോജ്യമായ പ്രോട്ടീനുകളാണ് ചെറുധാന്യങ്ങളിലേത്. കാൽസ്യം,ഇരുമ്പ്,ഫോസ്ഫറസ് പൊട്ടാസ്യം,മഗ്നീഷ്യം എന്നിവയും ചെറുധാന്യങ്ങളിൽ സമൃദ്ധമാണ്. പണ്ട് മുതൽക്കേ സ്ത്രീകൾക്കും കുട്ടികൾക്കുമുള്ള ഭക്ഷണത്തിൽ ചെറുധാന്യങ്ങൾ പ്രത്യേകിച്ചും ഉൾപ്പെടുത്തിയിരുന്നു. സ്ത്രീകളിൽ ആർത്തവ വിരാമത്തോടനുബന്ധിച്ച് അസ്ഥികൾക്കുണ്ടാവുന്ന ബലക്കുറവ് പരിഹരിക്കാൻ ചെറുധാന്യങ്ങൾ കഴിയുമെന്ന് ഇത് സംബന്ധിച്ച് നടന്ന പഠനങ്ങൾ പറയുന്നു. വിറ്റാമിനുകളായ ബി,സി,ഇ എന്നിവയും ചെറുധാന്യങ്ങളിലടങ്ങിയിട്ടുണ്ട്. ശ്രദ്ധിക്കേണ്ട കാര്യം; തൈറോയ്ഡ് ഹോർമോണിന്റെ ഉത്പാദനത്തിന് നേരിയ തടസ്സമുണ്ടാക്കുന്നതിനാൽ തൈറോയ്ഡ് പ്രശ്നമുള്ളവർ ചെറുധാന്യങ്ങൾ സ്ഥിരമായി കഴിക്കേണ്ടതില്ല. ചെറുധാന്യങ്ങൾ ഒറ്റയ്ക്കോ ഒന്നിച്ചോ പൊടിയാക്കി അട, കൊഴുക്കട്ട പോലുള്ള പലഹാരങ്ങളുണ്ടാക്കാം. സൂപ്പുണ്ടാക്കാം. പാലിൽ കുറുക്കിയെടുത്ത് പുഡ്ഡിങ്ങ് പോലെ കഴിക്കാം. ചെറുധാന്യങ്ങൾ മുളപ്പിച്ച് സാലഡിൽ കലർത്തി കഴിക്കാം. പലതരം ചെറുധാന്യങ്ങൾ കലർത്തി അരച്ചെടുത്ത മാവുകൊണ്ട് ദോശ,ഇഡ്ഡലി,ചപ്പാത്തി എന്നിവയും ഉണ്ടാക്കാനാവും. പച്ചക്കറികളോ മീനോ മാംസമോ ചേർത്ത് പുലാവ്,ഫ്രൈഡ്റൈസ് എന്നിവയും ഉണ്ടാക്കാനാവും. നിത്യഭക്ഷണത്തിൽ ഉൾപ്പെടുത്താവുന്ന ചെറുധാന്യങ്ങൾ ഇവയാണ്. തിന ഒരു മികച്ച പോഷകഭക്ഷണമായി തെളിയിക്കപ്പെട്ട ധാന്യമാണ് തിന. തിന നാരുകളുടെ കലവറയാണ്. അരി,ഗോതമ്പ് എന്നിവയിലുള്ളതിനേക്കാൾ പ്രോട്ടീൻ തിനയിലുണ്ട്. തലമുടി തൊട്ട് പേശികൾ വരെയുള്ള അവയവങ്ങളുടെ പ്രവർത്തനത്തിന് പ്രോട്ടീൻ അത്യാവശ്യമാണ്. ഭക്ഷണത്തിൽ തിന ഉൾപ്പെടുത്തിയാൽ പ്രോട്ടീൻ ക്ഷാമം പരിഹരിക്കാനാവും. തിനയിൽ അന്നജത്തിന്റെ അളവ് തുലോം കുറവാണ്. ഉമി കളഞ്ഞ് ഉണക്കിപ്പൊടിച്ച തിന മറ്റു ധാന്യപ്പൊടികളുമായി ചേർത്ത് പായസവും പലഹാരവുമുണ്ടാക്കാം. ചാമ ശരീരം തണുപ്പിക്കാനുള്ള ശേഷിയുള്ള ധാന്യമാണ് ചാമ. വേനൽക്കാലത്ത് ദാഹം മാറ്റാൻ നല്ലതാണ്. ചാമയിൽ കൊഴുപ്പ് തീരെ കുറവായതിനാൽ കൂടിയ രക്തസമ്മർദ്ദം ഉള്ളവർക്ക് ചാമക്കഞ്ഞി നല്ലതാണ്. കുതിരവാലി തവിട് കളയാത്ത കുതിരവാലി ധാന്യത്തിൽ ജീവകം ബിയും ധാതുക്കളും ഇഷ്ടം പോലെയുണ്ട്. മുടിയുടെ വളർച്ചയ്ക്കും ആരോഗ്യത്തിനും സഹായിക്കുന്ന ഘടകമാണ് ജീവകം ബി. ഉമി കളഞ്ഞെടുക്കുന്ന ധാന്യം പൊടിച്ച് ചപ്പാത്തിയും ചോറും ഉണ്ടാക്കാം. ചോളം ചോളത്തിൽ ശരീരത്തിനാവശ്യമുള്ള ഇരുമ്പും സിങ്കും സമൃദ്ധമാണ്. കുട്ടികൾക്കും ഗർഭിണികൾക്കും ചോളം കഴിക്കുന്നത് ശീലമാക്കിയാൽ ഇരുമ്പിന്റെ കുറവുകൊണ്ടുണ്ടാകുന്ന വിളർച്ച മാറും. റാഗി കുഞ്ഞുങ്ങളുടെ ആരോഗ്യത്തിന് റാഗിയോളം നല്ല ആഹാരമില്ല. കാരണം കാൽസ്യത്തിന്റെ കലവറയാണ് റാഗി. 100 ഗ്രാം റാഗിയിൽ ഏതാണ്ട് 340 മില്ലിഗ്രാം കാൽസ്യമുണ്ട്. കാൽസ്യത്തിന്റെ സാന്നിധ്യം എല്ലിന്റേയും പല്ലിന്റേയും പോഷണത്തിന് സഹായകമാണ്. നാര്( ഫൈബർ), ആന്റി ഓക്സിഡന്റ് എന്നിവ ഉയർന്ന അളവിലുണ്ട്. ആന്റി ഓക്സിഡന്റുകളാണ് ശരീരത്തിന്റെ ഊർജ്ജസ്വലത നിലനിർത്താൻ സഹായിക്കുന്നത്. എളുപ്പം കേട് വരാത്ത ധാന്യമായതിനാൽ ഒന്നിച്ച് വാങ്ങി സൂക്ഷിക്കാനാവും. കൂവരക്,മുത്താറി,പഞ്ഞപ്പുല്ല് എന്നും പേരുകളുണ്ട്. കമ്പം അരിയിലുള്ളതിനേക്കാൾ അപൂരിത കൊഴുപ്പുകൾ കമ്പത്തിലുണ്ട്. അപൂരിത കൊഴുപ്പുകൾ കൊളസ്ട്രോളിന്റെ അളവ് കുറയ്ക്കാൻ സഹായിക്കുമെന്നതിനാൽ ഹൃദയാരോഗ്യത്തിന് ഫലപ്രദമായ ഭക്ഷണമാണ് കമ്പം. പേൾ മില്ലെറ്റ് എന്നും കമ്പത്തിന് പേരുണ്ട്. കമ്പത്തിൽ ഇരുമ്പിന്റെ അംശവും കൂടിയ അളവിലുണ്ട്. അരി പോലെ വേവിച്ച് ചോറാക്കി കഴിക്കാം. പൊടിച്ച് പലഹാരമുണ്ടാക്കി കഴിക്കാം. വരക് ആന്റി ഓക്സിഡന്റുകളും പ്രോട്ടീനും നാരുകളും വരക് ധാന്യത്തിൽ സമൃദ്ധമാണ്. വരക് കൊണ്ടുള്ള ഉപ്പുമാവും കഞ്ഞിയും സന്തുലിത ഭക്ഷണങ്ങളിൽ പെടുന്നു. ഗൃഹലക്ഷ്മിയിൽ പ്രസിദ്ധീകരിച്ചത് Content Highlights:whole grains for daily food

---

ഗ്രീന്‍പീസ് റൈസിനൊപ്പം ബേബി ആലു ഗ്രേവി

February 5, 2020, 5:31 am

≫ Next: കിടിലന്‍ രുചിയില്‍ ചേമ്പിന്‍തണ്ട് അച്ചാര്‍

≪ Previous: ദഹനക്കുറവ് വില്ലനാകുന്നോ, ചെറുധാന്യങ്ങള്‍ ഭക്ഷണത്തില്‍ ഉള്‍പ്പെടുത്താം

$

0

0

ലഞ്ചിന് സാധാരണ ചോറും കറിയും കഴിക്കുന്നതാണോ പതിവ്. എങ്കിൽ ചോറും കറിയുമൊന്ന് വ്യത്യസ്തമാക്കിയാലോ? ബസ്മതി റൈസ് വേവിച്ചത്- മൂന്ന് കപ്പ് ബട്ടർ- മൂന്ന് സ്പൂൺ ഗ്രീൻപീസ് വേവിച്ചത്- ഒരു കപ്പ് ഉപ്പ്- ആവശ്യത്തിന് ചുവട് കട്ടിയുള്ള പാനിൽ ബട്ടർ ചേർത്ത് ഉരുകുമ്പോൾ ഗ്രീൻപീസ് ഇട്ട് രണ്ട് മിനിട്ട് വഴറ്റണം. അതിലേക്ക് ചോറ് ചേർത്ത് പതുക്കെ ഇളക്കാം. ബേബി ആലു ഗ്രേവിക്കൊപ്പം കഴിക്കാം. ബേബി ആലു ഗ്രേവി ചെറിയ ഉരുളക്കിഴങ്ങ്- പതിനഞ്ചെണ്ണം തക്കാളി നുറുക്കിയത്- മൂന്നെണ്ണം കാശ്മീരി മുളകുപൊടി- ഒരു ടീസ്പൂൺ മഞ്ഞൾപൊടി- അര ടീസ്പൂൺ ഗ്രാമ്പൂ- രണ്ടെണ്ണം ഏലക്കായ- രണ്ടെണ്ണം കറുവായില- ഒന്ന് എണ്ണ- ആവശ്യത്തിന് അരയ്ക്കാനുള്ളവ സവാള നുറുക്കിയത്- രണ്ടെണ്ണം പെരുഞ്ചീരകം- ഒരു ടീസ്പൂൺ വെളുത്തുള്ളി- മൂന്നെണ്ണം ജീരകം- ഒരു ടീസ്പൂൺ കശുവണ്ടി- പതിനഞ്ചെണ്ണം പച്ചമുളക്- മൂന്നെണ്ണം (കശുവണ്ടി വെള്ളത്തിൽ കുതിർക്കണം). കടായിയിൽ എണ്ണ ചൂടാകുമ്പോൾ വേവിച്ച ഉരുളക്കിഴങ്ങ് ഇട്ട് ഗോൾഡൻ ബ്രൗൺ നിറമാകുന്നതുവരെ വഴറ്റണം. മിക്സിയിൽ സവാള, പെരുഞ്ചീരകം, വെളുത്തുള്ളി, ജീരകം, കശുവണ്ടി, പച്ചമുളക് എന്നിവ അരച്ചെടുക്കുക. കടായിയിൽ ഒരു ടേബിൾസ്പൂൺ എണ്ണ ചൂടാകുമ്പോൾ കറുവായില, ഗ്രാമ്പൂ, ഏലക്കായ, വെളുത്തുള്ളി, കറുവാപ്പട്ട എന്നിവയിട്ട് വഴറ്റുക. നല്ല മണം വരുമ്പോൾ അരപ്പ് ചേർത്തിളക്കുക. ശേഷം നുറുക്കിയ തക്കാളിയുമിട്ട് ഇളക്കുക. ഇനി മുളകുപൊടി, മഞ്ഞൾപൊടി എന്നിവ ചേർത്ത് എണ്ണ തെളിയുന്നതുവരെ വഴറ്റണം. അതിലേക്ക് ഒരു കപ്പ് വെള്ളവും ഉപ്പും ചേർത്ത് തിളപ്പിക്കുക. ഉരുളക്കിഴങ്ങ് ഇട്ട് അടച്ചുവെച്ച് 10 മിനിട്ട് വേവിക്കണം. കുറുകുമ്പോൾ മല്ലിയില തൂവി അലങ്കരിക്കാം. കൂടുതൽ പാചകക്കുറിപ്പുകൾ അറിയാൻ ഗൃഹലക്ഷ്മി വാങ്ങാം Content Highlights:green peas rice with aloo gravy

കിടിലന്‍ രുചിയില്‍ ചേമ്പിന്‍തണ്ട് അച്ചാര്‍

February 5, 2020, 5:31 am

≫ Next: കൗണ്ട് കൂട്ടുന്ന കിവി, ഡിമാന്‍ഡുള്ള 'സബര്‍ജെല്ലി' ; ചില വിദേശ പഴങ്ങള്‍

≪ Previous: ഗ്രീന്‍പീസ് റൈസിനൊപ്പം ബേബി ആലു ഗ്രേവി

$

0

0

വളരെ എളുപ്പത്തിൽ പാകം ചെയ്യാവുന്ന ഏറെ രുചികരമായ ഒരു അച്ചാർ ഉണ്ടാക്കിനോക്കാം.. നമ്മുടെ വീടുകളിൽ ഒക്കെ കിട്ടുന്ന ചേമ്പിൻതണ്ട് വച്ചൊരു അച്ചാർ. ചപ്പാത്തി, ചോറ്, ദോശ തുടങ്ങിയ എല്ലാത്തിന്റെയും കൂടെ കഴിക്കാവുന്ന നല്ല രുചികരമായ അച്ചാർ. 1 മാസം വരെ കേടുവരാതെ ഫ്രിഡ്ജിൽ സൂക്ഷിക്കാവുന്നതാണ്. ചേരുവകൾ ചേമ്പിൻതണ്ട് - 1കപ്പ് ഉലുവ - 1/4 ടീസ്പൂൺ വറ്റൽ മുളക് - 3 എണ്ണം വെളുത്തുള്ളി അരിഞ്ഞത് - 2 ടീസ്പൂൺ ഇഞ്ചി അരിഞ്ഞത് - 1 ടീസ്പൂൺ പച്ചമുളക് - 2 എണ്ണം നല്ലെണ്ണ (എള്ളെണ്ണ )- 50 ml കാശ്മീരി മുളക് പൊടി - 3 ടീസ്പൂൺ വിനാഗിരി - 2 ടീസ്പൂൺ കായപ്പൊടി - 1/2 ടീസ്പൂൺ കറിവേപ്പില - 1തണ്ട് ഉപ്പ് - ആവശ്യത്തിന് തയ്യാറാക്കുന്ന വിധം നല്ലെണ്ണ ചൂടാകുമ്പോൾ അതിലേക്ക് ചേമ്പിൻതണ്ട് ഇട്ട് 5 മിനിറ്റോളം വഴറ്റി മാറ്റി വക്കുക. അതേ എണ്ണയിലേക്ക് 1/4 ടീസ്പൂൺ ഉലുവ, വറ്റൽ മുളക് ഇട്ടു ചൂടാക്കുക. ഉലുവ കളർ മാറുമ്പോൾ കറിവേപ്പില, ഇഞ്ചി വെളുത്തുള്ളി അരിഞ്ഞത്, പച്ചമുളക് ഇട്ടു 2മിനിറ്റ് വഴറ്റുക. അതിനുശേഷം കാശ്മീരി മുളകുപൊടി ഇട്ട് ഒന്ന് യോജിപ്പിക്കുക. എന്നിട്ട് കായപ്പൊടി 1/2ടീസ്പൂൺ ഇട്ടു യോജിപ്പിക്കുക. അതിലേക്ക് വഴറ്റി വച്ചിരിക്കുന്ന ചേമ്പിൻതണ്ട് ഇട്ടു നന്നായി യോജിപ്പിക്കുക.. തീ അണച്ച ശേഷം 2 ടീസ്പൂൺ വിനാഗിരി ചേർത്തിളക്കുക.. Content Highlights:Taro stem pickle

കൗണ്ട് കൂട്ടുന്ന കിവി, ഡിമാന്‍ഡുള്ള 'സബര്‍ജെല്ലി' ; ചില വിദേശ പഴങ്ങള്‍

February 5, 2020, 5:31 am

≫ Next: കുഞ്ഞുങ്ങള്‍ക്ക് നല്‍കാം ഹെല്‍ത്തി സ്‌നാക്‌സ്

≪ Previous: കിടിലന്‍ രുചിയില്‍ ചേമ്പിന്‍തണ്ട് അച്ചാര്‍

$

0

0

എപ്പോഴും ചക്കയും മാങ്ങയും മാത്രം കഴിച്ചാൽ മതിയോ...? ഇടയ്ക്കൊക്കെ ഒരു ചേഞ്ച് വേണ്ടേ...? ഇങ്ങനെ മലയാളികൾ ചിന്തിക്കാൻ തുടങ്ങിയതോടെ പഴങ്ങളുടെ വിപണിയിൽ അത്ര പരിചിതമല്ലാത്ത കിവിയും ഡ്രാഗൺ ഫ്രൂട്ടുമെല്ലാം ലഭിക്കാൻ തുടങ്ങി. ഡിമാൻഡ് ഏറിയതോടെ പെട്ടെന്ന് കേടാവുന്ന പഴങ്ങൾപോലും വിദേശത്തുനിന്ന് ഇറക്കുമതിചെയ്യാൻ തുടങ്ങിട്ടുണ്ട്. വിമാനത്തിലാണ് ഇത്തരം പഴങ്ങൾ വരുന്നത്. നേരത്തേ ഉപരിവർഗം മാത്രമാണ് ഇത്തരം പഴങ്ങൾ വാങ്ങിയിരുന്നതെങ്കിൽ, ഇപ്പോൾ എല്ലാത്തരം ആളുകളും വാങ്ങുന്നുണ്ട്. പ്രായഭേദമെന്യേ എല്ലാവർക്കും ഇത്തരം പഴങ്ങൾ ഇഷ്ടമാണ്. അത്ര പരിചിതമല്ലാത്ത എക്സോട്ടിക് പഴങ്ങൾക്ക് ആവശ്യക്കാർ കൂടിവരുകയാണെന്നും അവബോധം വർധിച്ചതാണ് ഡിമാൻഡ് കൂടാൻ കാരണമെന്നും വ്യാപാരികൾ പറയുന്നു. കൂടാതെ, പരിചിത പഴങ്ങളായ ആപ്പിളിന്റെയും ഓറഞ്ചിന്റെയുമെല്ലാം വിവിധ ഇനങ്ങൾ വിദേശത്തുനിന്ന് ഇറക്കുമതിചെയ്യാനും തുടങ്ങി. സ്വദേശിയായ ഡ്രാഗൺ ഫ്രൂട്ട് ഡിമാൻഡ് ഏറിയതോടെ തിരുവനന്തപുരത്തൊക്കെ കൃഷിചെയ്യാൻ തുടങ്ങിയൊരു പഴമാണ് ഡ്രാഗൺ ഫ്രൂട്ട്. പ്രധാനമായും ഇവ ഇറക്കുമതി ചെയ്യുന്നത് തായ്ലാൻഡ്, വിയറ്റ്നാം എന്നിവിടങ്ങളിൽ നിന്നാണ്. കിലോയ്ക്ക് 180-250 രൂപയാണ് ശരാശരി വില. ചെറുതല്ലാത്ത ചെറി പെട്ടെന്ന് കേടാവുന്ന മറ്റൊരു ഇനമാണ് ചെറി. വിമാനത്തിലാണ് ഇവ ഇറക്കുമതി ചെയ്യുന്നത്. ഇറ്റലി, സ്പെയിൻ, അമേരിക്ക എന്നിവിടങ്ങളിൽ നിന്നാണ് ഇവ പ്രധാനമായും ഇറക്കുമതി ചെയ്യുന്നത്. കിലോയ്ക്ക് 1,500-2,000 രൂപയാണ് ശരാശരി വില. എക്സോട്ടിക് തായ്ലാൻഡ് എക്സോട്ടിക് പഴങ്ങളുടെ കേന്ദ്രമാണ് തായ്ലാൻഡ്. ഡ്രാഗൺ ഫ്രൂട്ട്. ലോങ്ങൻ ഫ്രൂട്ട്, ദുരിയാൻ, മധുര പുളി, മാങ്കോസ്റ്റീൻ, വലിയ പേരയ്ക്ക, ചുവന്ന ചാമ്പയ്ക്ക, പച്ച ചാമ്പയ്ക്ക തുടങ്ങിയ വിവിധതരം പഴങ്ങളാണ് തായ്ലാൻഡിൽ നിന്ന് ഇറക്കുമതി ചെയ്യുന്നത്. കൗണ്ട് കൂട്ടാൻ കിവി ഏറെ ഡിമാൻഡ് ഉള്ള വിദേശപ്പഴമാണ് കിവി. ഇത് കഴിച്ചാൽ പ്ലേറ്റ്ലെറ്റ് കൗണ്ട് കൂടുമെന്നാണ് പറയുന്നത്. അതുകൊണ്ട് ഡെങ്കിപ്പനിയെല്ലാം വരുമ്പോൾ പൊതുവേ കഴിക്കുന്ന പഴമാണ് കിവി. വിറ്റാമിൻസി ധാരാളം അടങ്ങിയ പഴം കൂടിയാണിത്. ഇറ്റലി, ചിലി, ഇറാൻ, ന്യൂസീലൻഡ് എന്നിവിടങ്ങളിൽ നിന്നാണ് ഇവ പ്രധാനമായും ഇറക്കുമതിചെയ്യുന്നത്. കിലോയ്ക്ക് 180-200 രൂപയാണ് ശരാശരി വില. വിലക്കനവുമായി ബെറി ബ്ലൂ ബെറി, റാസ് ബെറി, ബ്ലാക്ക് ബെറി എന്നിവയാണ് കേരളത്തിൽ കൂടുതൽ ലഭിക്കുന്ന ബെറി ഇനങ്ങൾ. നെതർലൻഡ്സ്, അമേരിക്ക, പെറു എന്നിവിടങ്ങളിൽ നിന്നാണ് ഇവ പ്രാധാനമായും വരുന്നത്. പോഷകങ്ങൾ ഏറെ അടങ്ങിയ പഴങ്ങളാണിവ. പല യൂറോപ്യൻ വിഭവങ്ങൾക്കും ഒഴിച്ചുകൂടാൻ പറ്റാത്ത ചേരുവ കൂടിയാണ് ബെറി. പെട്ടെന്ന് കേടാവുന്നതുകൊണ്ട് വിമാനത്തിലാണ് ഇവ ഇറക്കുമതി ചെയ്യുന്നത്. ഇക്കാരണങ്ങൾകൊണ്ട് വിലയും കൂടുതലാണ്. 125 ഗ്രാം പായ്ക്കിന് ശരാശരി 400 രൂപയാണ് വില. ഡിമാൻഡുള്ള സബർജെല്ലി കേരളം ഏറ്റവും കൂടുതൽ ഇറക്കുമതി ചെയ്യുന്നൊരു പഴമാണ് സബർജെല്ലി. ഇതിൽത്തന്നെ ചുവന്നതും പച്ചയുമുണ്ട്. ചുവന്ന സബർജെല്ലി അമേരിക്കയിൽ നിന്നും പച്ച സബർജെല്ലി ദക്ഷിണാഫ്രിക്കയിൽ നിന്നുമാണ് പ്രധാനമായും വരുന്നത്. പച്ച സബർജെല്ലിയുടെ വില കിലോയ്ക്ക് ശരാശരി 180-250 രൂപ. ചുവന്ന സബർജെല്ലിക്ക് കിലോയ്ക്ക് ശരാശരി 230-300 രൂപയാണ് ശരാശരി വില. ഇറക്കുമതിയിൽ മുന്നിൽ ആപ്പിൾ കേരളം ഏറ്റവും കൂടുതൽ ഇറക്കുമതി ചെയ്യുന്ന പഴമാണ് ആപ്പിൾ. ഇന്ത്യയിൽ ഓഗസ്റ്റ്ഒക്ടോബറിലാണ് ആപ്പിളിന്റെ സീസൺ. പക്ഷേ, അതുകഴിഞ്ഞാലും ആപ്പിളിന് ഡിമാൻഡ് ഏറെയാണ്. അതിനാലാണ് ഇവ ഇറക്കുമതി ചെയ്യുന്നത്. ചുവന്ന നിറത്തിലുള്ള റെഡ് ഡെലീഷ്യസ് എന്ന ഇനത്തോടാണ് ഇഷ്ടം കൂടുതൽ. കിലോയ്ക്ക് 150-200 രൂപയാണ് ശരാശരി വില. ഗാല എന്നതാണ് മറ്റൊരു പ്രധാന ഇനം. കിലോയ്ക്ക് 180-250 രൂപയാണ് ശരാശരി വില. പച്ച ആപ്പിളിനും ആരാധാകർ ഏറെയാണ്. കിലോയ്ക്ക് 200-250 രൂപയാണ് ശരാശരി വില. അമേരിക്ക, ഇറ്റലി, പോളണ്ട്, ടർക്കി, ന്യൂസീലൻഡ് എന്നിവിടങ്ങളിൽ നിന്നാണ് പ്രധാനമായും ഇത് ഇറക്കുമതി ചെയ്യുന്നത്. അമേരിക്കയിൽ നിന്നുള്ള ആപ്പിളിന് വില കൂടതലാണ്. ഉയർന്ന ഇറക്കുമതിച്ചുങ്കം അമേരിക്കൻ ആപ്പിളിന് ചുമത്തുന്നതുകൊണ്ടാണത്. അമേരിക്കൻ പ്രസിഡന്റ് ട്രംപ് ഇന്ത്യൻ ഉത്പന്നങ്ങൾക്ക് ഇറക്കുമതി തീരുവ കൂട്ടിയപ്പോൾ, ഇന്ത്യ തിരിച്ച് ഇറക്കുമതി തീരുവ കൂട്ടിയ ഉത്പന്നമാണ് ആപ്പിൾ. Content Highlights:main fruits which are imported to kerala from foreign countries

കുഞ്ഞുങ്ങള്‍ക്ക് നല്‍കാം ഹെല്‍ത്തി സ്‌നാക്‌സ്

February 6, 2020, 3:22 am

≫ Next: ഉച്ചയൂണിന് ചില്ലി ബീഫ് ആയാലോ?

≪ Previous: കൗണ്ട് കൂട്ടുന്ന കിവി, ഡിമാന്‍ഡുള്ള 'സബര്‍ജെല്ലി' ; ചില വിദേശ പഴങ്ങള്‍

$

0

0

ഒന്നുമുതൽ മൂന്ന് വയസ്സുവരെ പ്രായത്തിലുള്ള കുഞ്ഞുങ്ങൾ, അവരെ ഭക്ഷണം കഴിപ്പിക്കുക എന്നത് വലിയ സാഹസിക ജോലിയാണ് അമ്മമാർക്ക്. എന്ത് കൊടുക്കണം, ഏതാണ് നല്ല ഭക്ഷണം എന്ന സംശയം വേറെയും. കുഞ്ഞുങ്ങൾ വളരുന്ന പ്രായമായതിനാൽ ആരോഗ്യകരമായ ഭക്ഷണ ശീലങ്ങൾ വളർത്തേണ്ട കാലവുമാണ്. കുഞ്ഞുങ്ങൾക്ക് ദിവസവും നൽകാവുന്ന ചില ഹെൽത്തി ടേസ്റ്റി സ്നാക്സ് വീട്ടിൽ തന്നെയുണ്ടാക്കാം. 1. പഴങ്ങൾ - ചെറുതായി മുറിച്ച ആപ്പിളുകൾ - കഷണങ്ങളാക്കിയ ചെറി, സ്ട്രോബറി, മുന്തിരി - ഏത്തപ്പഴം ഉടച്ചത് - ഓറഞ്ച് അല്ലികളാക്കി,കുരു നീക്കിയത് വിറ്റാമിൻ, മിനറൽസ്, ആന്റി ഓക്സിഡന്റ്സ്... ഇവയുടെയെല്ലാം കലവറയാണ് പഴങ്ങൾ. കടയിൽ നിന്ന് വാങ്ങുന്നവയാണെങ്കിൽ നന്നായി കഴുകിയ ശേഷം മാത്രം നൽകാം. മിഡ് മോർണിങ് സ്നാക്സായി പഴങ്ങൾ നൽകുന്നതാണ് നല്ലത്. ഉച്ച ഭക്ഷണത്തിന്റെ സമയം വരെ അവർക്ക് വിശക്കാതെ ഇരിക്കുകയും ചെയ്യും. 2. പച്ചക്കറികൾ - ഉടച്ച പയർവർഗ്ഗങ്ങൾ - വേവിച്ചുടച്ച കാരറ്റ്, ബീറ്റ്റൂട്ട്, മധുരക്കിഴങ്ങ് - വേവിച്ച കോളിഫഌർ, ബ്രൊക്കോളി - ചെറുതായി അരിഞ്ഞ് വേവിച്ച ഗ്രീൻ ബീൻസ് നാരുകളാൽ സമൃദ്ധമാണ് പച്ചക്കറികൾ. കൂടുതൽ സമയം കുഞ്ഞുങ്ങൾക്ക് വിശക്കാതിരിക്കാനും പച്ചക്കറികളാണ് നല്ലത്. ഈവനിങ് സ്നാക്സായി നൽകുന്നതാണ് നല്ലത്. 3. ഡ്രൈഫ്രൂട്ട്സ് - ഉണക്കമുന്തിരി - ചെറുതായി മുറിച്ച് ഉണക്കിയ ആപ്പിൾ - കുരു നീക്കി ചെറുതായി മുറിച്ച ഡേറ്റ്സ് ഊർജ സ്രോതസ്സുകളാണ് ഡ്രൈ ഫ്രൂട്ട്സ്. പ്രോട്ടീനിന്റെയും മിനിറലിന്റെയും കലവറകൂടിയാണ് ഇവ. മധുരമുള്ളവയായതിനാൽ കുഞ്ഞുങ്ങൾക്ക് ഏറെ ഇഷ്ടമാകും. നാച്വറൽ ഫ്രൂട്ട് ഷുഗർ അടങ്ങിയതിനാൽ മോർണിങ് സ്നാക്സ് ആയി നൽകാം. 4. പ്രോട്ടീൻ സ്നാക്സ് - ഉടച്ച വെള്ളക്കടല - ചെറിയ കഷ്ണങ്ങളാക്കി വേവിച്ച് മുള്ള് നീക്കിയ മീനുകൾ - ബോൺലെസ് ചിക്കൻ - പുഴുങ്ങി ഉടച്ച മുട്ട പ്രോട്ടീൻ കുഞ്ഞുങ്ങളുടെ ഭക്ഷണത്തിൽ മറക്കാതെ ഉൾപ്പെടുത്തണം. ഹെൽത്തി ഫാറ്റും, മൈക്രോ ന്യൂട്രിയൻസും അടങ്ങിയ പ്രോട്ടീൻ ഭക്ഷണമാണ് വേണ്ടത്. ദിവസത്തിൽ ഏത്സമയത്തും ഇവ കഴിക്കാൻ നൽകാം. ബെഡ്ടൈം സ്നാക്സ് ആയും നൽകാം. 5. ഫൈബർ റിച്ച് സ്നാക്സ് - ചപ്പാത്തി - ഉപ്പുമാവ് - ഇഡലി പ്രഭാത ഭക്ഷണത്തിന് ഏറ്റവും യോജിച്ചവ. ഹൈ ഫൈബർ ഫുഡാണ് ഇവ. 6. ഡയറി പ്രോഡക്ട് - ചീസ് - തൈര് - പഞ്ചസാരയിടാത്ത പാൽ പാലും പാലുത്പന്നങ്ങളും കുഞ്ഞുങ്ങൾക്ക് യോജിച്ച പോഷകാഹാരങ്ങളാണ്. ഏതെങ്കിലും ഒരു സ്നാക്സിനൊപ്പം നൽകാവുന്നവയാണ് ഇത്. ബ്രഡും ചീസും പോലെ. Content Highlights: Healthy Snacks for Toddlers

ഉച്ചയൂണിന് ചില്ലി ബീഫ് ആയാലോ?

February 6, 2020, 3:22 am

≫ Next: അക്ഷയ് കുമാറിന്റെ ഫിറ്റ്‌നസ് സീക്രട്ട് ; വ്യായാമത്തിനൊപ്പം ഈ രണ്ട് റെസിപ്പികളും

≪ Previous: കുഞ്ഞുങ്ങള്‍ക്ക് നല്‍കാം ഹെല്‍ത്തി സ്‌നാക്‌സ്

$

0

0

ബീഫ് എന്നു കേൾക്കുമ്പോഴേക്കും വായിൽ വെള്ളമൂറുന്നവരുണ്ട്. ഇന്നുച്ചയൂണിന് ബീഫ് കൊണ്ടൊരു പിടിപിടിച്ചാലോ? ചേരുവകൾ 1. നെയ്യില്ലാത്ത ബീഫ് - അരക്കിലോ പുരട്ടി വെയ്ക്കാൻ: 2. മുളകുപൊടി - ഒരു ടേബിൾസ്പൂൺ 3. സോയ സോസ് - അര ടേബിൾസ്പൂൺ 4. ചില്ലി സോസ് - അര ടേബിൾസ്പൂൺ 5. ഉപ്പ് - ആവശ്യത്തിന് 6. കോൺഫ്ലോർ - മൂന്ന് ടേബിൾസ്പൂൺ 7. വിനാഗിരി -അര ടീസ്പൂൺ ബാക്കി ചേരുവകൾ: 8. ഇഞ്ചി ചെറുതായി അരിഞ്ഞത് - ഒരു ടേബിൾസ്പൂൺ 9. വെളുത്തുള്ളി ചെറുതായി അരിഞ്ഞത് - ഒരു ടേബിൾസ്പൂൺ 10. സവാള ക്യൂബ് ആയി മുറിച്ചത് - ഒരെണ്ണം 11. കാപ്സിക്കം ക്യൂബ് ആയി മുറിച്ചത് - ഒരെണ്ണം 12. സ്പ്രിങ് ഒനിയൻ ചെറുതായി മുറിച്ചത് - രണ്ടെണ്ണം 13. സോയ സോസ് - അര ടേബിൾസ്പൂൺ 14. ടൊമാറ്റോ സോസ് - അര ടേബിൾസ്പൂൺ 15. ചില്ലി സോസ് - അര ടേബിൾസ്പൂൺ 16. ഉപ്പ് - ആവശ്യത്തിന് 17. എള്ളെണ്ണ വഴറ്റാൻ - ആവശ്യത്തിന് 18. തിളച്ചവെള്ളം - ആവശ്യത്തിന് തയ്യാറാക്കുന്ന വിധം ബീഫ് കനംകുറച്ച് അരിയുക. ശേഷം 2 മുതൽ 7 വരെ ചേരുവകൾ എല്ലാം ചേർത്ത് യോജിപ്പിക്കുക. ഇത് ഫ്രിഡ്ജിൽ രണ്ടു മണിക്കൂർ വെയ്ക്കുക. ശേഷം എണ്ണയിൽ വറുത്തുകോരാം. ഒരു ചീനച്ചട്ടി ചൂടാക്കി എള്ളെണ്ണ ചേർത്ത് ഇഞ്ചിയും വെളുത്തുള്ളിയും മൂപ്പിക്കുക. സവാളയും കാപ്സിക്കവും കൂടി ചേർക്കുക. നന്നായി വേവിക്കണ്ട. അടുത്തതായി സോസുകൾ ചേർക്കുക. അരക്കപ്പ് തിളച്ചവെള്ളവും ചേർക്കാം. ചാറ് വേണം എന്നുണ്ടെങ്കിൽ കൂടുതൽ വെള്ളം ചേർക്കാം. ശേഷം വറുത്തുവെച്ച ബീഫ് ചേർത്ത് നന്നായി ഇളക്കി യോജിപ്പിക്കുക. അവസാനം സ്പ്രിങ് ഒനിയൻ വിതറി സ്റ്റൗ ഓഫ് ചെയ്യുക. Content Highlights:chilli beef recipe